Proposta para a distribución de
cogumelos silvestres
Acordouse, en reunión de
produtoras do pasado mércores 16 de novembro, establecer unhas directrices
básicas para a distribución de cogumelos silvestres no local da cooperativa.
Tómase como base o Real
decreto 30/2009, do 16 de xaneiro, polo que se establecen as condicións sanitarias
para a comercialización de cogomelos para uso alimentario.
As medidas que propoñemos son
as seguintes:
1. Limitar o número de
especies que consumir. Propoñemos unha listaxe de especies atendendo ao que
indica o RD, ao gusto das consumidoras e e á facilidade de conseguilas. A decisión
de incluír ou eliminar algunha especie da lista terá que tomarse en reunión co
grupo de produtoras. As especies permitidas son:
- Boletus edulis, Boletus
pinophilus
- Cantharellus cibarius
(cantarelas)
- Hydnum repandum (língua de
vaca)
- Lactarius deliciosus
(níscalos)
- Xerocomus badius
2. Idenfificación das
especies. Incluiráse xunto a cada especie unha etiqueta onde aparezan perfectamente
identificados os cogumelos, tanto con xénero e especie como co seu nome popular
(este último non obrigatorio).
3. Embase separado. Tal e
como se indica no RD non se poderán presentar mesturas de especies no mesmo
embase ou soporte.
4. Estado de conservación
óptimo. Os cogumelos deben estar en perfectas condicións de conservación.
5. Limpeza. Os cogumelos
estarán exentos de materias estrañas adheridas á súa superficie, distintas da
terra de coberteira que non puidese ser eliminada mediante unha limpeza groseira.
Con estas medidas pretendemos
garantir a seguridade de socias consumidoras, mellorar a calidade do produto,
proporcionar mais información e afianzar a confianza de todos os socios e socias
nas produtoras que traballan coa cooperativa.
Ningún comentario:
Publicar un comentario